Azərbaycanın böyük islam alimi Hacı Mirəziz Seyidzadə vəfat edib. O, mayın 11-də 1 saylı Şəhər Klinik Xəstəxanasında dünyasını dəyişib. 

Hacı Mirəziz Seyidzadə bir müddət əvvəl insult keçirib və son 4 gün koma vəziyyətində olub.

Mərhumun cənazəsi dəfn olunmaq üçün Masallı rayonuna aparılıb.

1949-cu ildə Masallının Türkoba kəndində anadan olan Hacı Mirəziz Seyidzadə Buxara Mir-Ərəb Mədrəsəsində təhsil alıb. 1994-2011-ci illərdə Qafqaz Müsəlmanları İdarəsinin Təhsil şöbəsinin müdiri və Bakı İslam Universiteti Sumqayıt şöbəsinin rektoru vəzifələrini icra edib. 2011-ci ildə Qafqaz Müsəlmanları İdarəsi Fətva şöbəsinin müdiri təyin olunub.