"Ceyms Uorlik çox aydın şəkildə bəyan edib ki, Dağlıq Qarabağ ətrafında işğal olunmuş 7 rayon Azərbaycana qaytarılmalıdır. ATƏT-in Minsk Qrupunun həmsədri Ceyms Uorlikin Karnegi Fondunda verdiyi bəyanatlar çox önəmlidir".

 

Bunu jurnalistlərə ABŞ-ın Azərbaycandakı səfiri Riçard Morninqstar deyib. O bildirib ki, bəyanatda səsləndirilən fikirlər ABŞ hökumətinin Dağlıq Qarabağ münaqişəsi ilə bağlı siyasətini çox düzgün əks etdirir. Sitat : “Bəyanatın əsas məqsədi həm Ermənistan, həm də Azərbaycan tərəfini münaqişənin birdəfəlik dinc yolla həlli üçün zəruri addımlara çağırmaq və həvəsləndirməkdir". Sitatın sonu.  

 

Səfir xatırladıb ki, həmsədrin çıxışında münaqişənin nizamlanması üçün gərəkli olan altı prinsip öz əksini tapıb. O,  danışıqların artıq 20 ildir, davam etməsinin məyusedici olduğunu söyləyərək hər iki tərəfdən müsbət addımların atılmasının zəruri olduğunu vurğulayıb.