Qusarda bir neçə evi qarət etməkdə şübhəli bilinən şəxs ələ keçib.

APA TV-nin şimal bürosunun məlumatına görə, polis rayon sakini Şahin Əfəndiyevi saxlayıb. O, ilkin dindirilmə zamanı 4 evdən oğurluq etdiyini boynuna alıb.

Əvvəllər də məhkumluq həyatı yaşayan şəxs bu ilin avqust-sentyabr aylarında girdiyi mənzillərdən 25 min manat dəyərində qızıl-zinət əşyaları aparıb. Oğurladığı qızılı Bakıda və Qubada ucuz qiymətə satıb: “Pulları xərcləmişəm. Bundan qabaq da bir neçə dəfə məhkumluq həyatı yaşamışam. Yanvar ayında da oğurluğa görə tutulmuşdum. Hakim mənə 1 6 ay şərti cəza verib.

Oğurluqdur, eləmişəm, peşmanam”.

Faktlarla bağlı araşdırma aparılır.