Abşeron rayonunda qət hadisəsi baş verib.

 

APA TV-nin yerli bürosunun məlumatına görə, qətl hadisəsi rayonun Hökməli qəsəbəsində qeydə alınıb.

 

Belə ki, 40 yaşlı Anar Baxışov mübahisə zəminində yeddi bıçaq zərbəsi alıb. O, təcili yardımın köməkliyi ilə xəstəxanaya çatdırılıb. Lakin çoxlu qan itirdiyindən həkimlər Anar Baxışovun həyatını xilas edə bilməyiblər. Dərhal hadisə yerinə hüquq mühafizə orqanlarının əməkdaşları cəlb olunub.

 

Faktla bağlı Abşeron rayon Prokurorluğunda araşdırma aparılır.