12:08 22 noyabr 2021 275
Ana səhifə Xəbərlər

6 avtomobilin katalizatorunu oğurladı

Yasamal Rayon Polis İdarəsinin 26-cı Polis Bölməsinin əməkdaşları tərəfindən avtomobillərin səsboğucu sistemi, yəni katalizatorlarını oğurlayan şəxs saxlanılıb.

 

Daxili İşlər Nazirliyindən APA TV-yə verilən məlumata görə, əməliyyat zamanı Bakı şəhər sakini Xəyal Hüseynzadə tutularaq istintaqa təqdim edilib. Araşdırma zamanı onun Yasamal və paytaxtın digər rayonlarında ümumilikdə 6 avtomobilin katalizatorunu oğurladığı məlum olub. Xəyal Hüseynzadə əsasən “Mitsubishi Pajero” markalı avtomobillərin katalizatorlarını kəsib oğurladığını etiraf edib.

 

Qeyd edək ki, oğurlanan katalizatorlardan bir neçəsi Xəyal Hüseynzadə saxlanılan zaman onun üzərindən aşkar olunub.

 

Faktla bağlı araşdırma aparılır.

 

Müəllif | Apa.Tv

Apa.tv

Kodu kopyalayın