ABŞ ölkənin milli təhlükəsizliyi üçün təhlükə yarada biləcək məhsulların idxalını dayandıracaq.

APA TV-nin "Reuters"ə istinadən məlumatına görə, Nümayəndələr Palatası hökumətin konkret "Huawei" və şübhəli digər şirkətlərdən məhsullar almasına əngəl olan qanun layihəsini yekdilliklə qəbul edib.

Sözügedən qanun layihəsi bu həftə təsdiqlənməsi üçün Senata göndəriləcək. Layihənin Senatda respublikaçılar və demokratlar tərəfindən dəstəklənəcəyi gözlənilir.

Bu arada ABŞ-ın kiçik telekommunikasiya təminatçılarına şübhəli texnologiyalardan istifadəni aradan qaldırmaq üçün 1 milyard dollar dəyərində maliyyə vəsaitinin ayrılması nəzərdə tutulur.