ABŞ səfiri Li Litzenberqer Şəkidə olub.

APA TV-nin  məlumatına görə, ABŞ səfiri Li  Litzenberqer Şəkiyə səfəri çərçivəsində öncə Şəki Rayon İcra Hakimiyyətinin nümayəndələri ilə görüşüb.

Görüşdən sonra səfir Azərbaycan Dövlət Pedaqoji Universitetinin (ADPU) Şəki filialında yerləşən Şəki Amerika guşəsinin açılış mərasimində iştirak edib.

Səfir Şəkiyə səfəri zamanı ABŞ hökuməti mübadilə proqramlarının məzunları ilə də görüşüb. O, məzunların, ABŞ-da əldə etdikləri bilik və təcrübələrinin həm karyeralarında, həm də Amerika guşəsinə və Şəki icmasına necə kömək etdikləri barədə maraqlanıb.