Ağdamda süd məhsulları sexində yanğın olub
Ağdam rayonunun Çəmənli kəndində yanğın baş verib.
Kənddəki süd məhsullarının istehsalı sexinin ərazisində ümumi sahəsi 45 m² olan talvarın altında hər birinin həcmi 200 litr olan 20 ədəd yağ çənindən 6 ədədi, 1 ədəd plastmasdan ibarət su çəni və 3 ədəd su nasosu yanıb.
APA-nın FHN-in saytına istinadən verdiyi xəbərə görə, yağ çənlərinin qalan hissəsi və talvar yanğından mühafizə olunub.
Alov yanğından mühafizə bölmələri tərəfindən söndürülüb.
