Ağdaş rayonunda qətl hadisəsi törədilib.

APA TV-nin yerli bürosunun xəbərinə görə hadisə rayonun Xosrov kəndində qeydə alınıb. Kənd sakini, 1996-cı il təvəllüdlü Ələkbərova Ülkər Əmrxan qızı ailə münaqişəsi zəmnində aralarında baş verən dava zamanı qardaşı, 1987-ci il təvəllüdlü Umarov Xancan Əmrxan oğlunu bıçaqlayıb. Döş qəfəsindən iki bıçaq xəsarəti alan Xancan Umarov evdə köməksiz vəziyyətdə qaldığı üçün çoxlu qan itirib və hadisə yerində dünyasını dəyişib. Hadisəni törədən iki uşaq anası Ülkər Ələkbərova həbs edilib.

Məlumata görə bir uşaq atası Xancan Umarov və bacısı, iki uşaq anası Ülkər Ələkbərova həyat yoldaşından boşanıb. Onlar bir evdə yaşayırdı. X.Umarovun əvvəllər məhkumluq həyatı yaşadığı və son vaxtlar psixoloji problemlərinin olduğu bildirilir.

Faktla bağlı Ağdaş rayon Prokurorluğu tərəfindən araşdırma aparılır.