Ağdaşda naməlum şəxslər mənzilə daxil olaraq oradan külli miqdarda qızıl-zinət əşyaları və pul oğurlayıb.

 

APA TV-nin yerli bürosunun xəbərinə görə, oğurluq hadisəsi rayonun Aşağı Zeynəddin kəndində baş verib. Kənd sakini Rəvan Şərifovun ailə üzvləri ilə birgə evdə olmadığını bilən oğrular axşam saatlarında mənzilə daxil olublar.

 

Rəvan Şərifov baş verən hadisəni evə dönərkən bilib. Onun sözlərinə görə, mənzilə daxil olan şəxslər içərisində 2000 ABŞ dolları, 780 manat pul və dəyəri 5000 min manat olan qızıl-zinət əşyaları olan çatanı taparaq evi tərk ediblər.

 

Faktla bağlı araşdırma aparılır.

 

Şahnəzər Bəşirov

APA TV