Ağstafada yük avtomobili ilə minik maşını toqquşub.

 

2 nəfərin ölümü ilə nəticələn ağır qəza gecə saatlarında Bakı-Qazax-Gürcüstan avtomagistral yolunun rayonun Dağ Kəsəmən kəndindən keçən hissəsində qeydə alınıb.

Ağstafa istiqamətində hərəkətdə olan  “VAZ 21099” markalı  minik maşını  TIR maraklı yük avtomobili ilə toqquşub. Nəticədə  minik maşınında olan Dağ Kəsəmən kənd sakinləri, 36 yaşlı  Orxan Rzayev və Məhəmməd Xəlilov  hadisə yerində ölüblər. Yük maşının  sürücüsü  hadisəni bu cür xatırlayır.

Hadisədən dərhal sonra əraziyə  Fövqəladə  Hallar Nazirliyinin  xilasediciləri  cəlb olunub.  Xilasedicilər tərəfindən Deformasiyaya uğramış  avtomobildən  meyitləri  çıxarılıb. Cəsədlər Məhkəmə - Tibbi Ekspertiza və Pataloji Anatomiya Birliyinin  Ağstafa rayon şöbəsinə təhvil verilib.

 

Ölən şəxslərin yaxınlarının verdiyi  məlumata  görə  hər ikisi  subay olub. Onların   ailələri yaxınlarda toy  etməyə  hazırlaşırmış.

 

Qeyd edək ki, qəzanın baş verdiyi ərazi  Gəncə-Qazax-Qırmızı  körpü  istiqamətində  yeni  çəkilmiş  yolun  yol  ayrıcı  sayılır  məhz həmin ərazidə  inşa  işləri  aparılır.

 

Faktla bağlı   araşdırma aparılır.