Ağstafada dörd nəfərin xəsarət alması ilə nəticələnən yol-nəqliyyat hadisəsi baş verib. 

 

APA TV-nin yerli bürosunun məlumatına görə, qəza rayonun Poylu kəndində qeydə alınıb. 

 

Belə ki, “VAZ-2106” markalı avtomobilin idarəetmədən çıxaraq körpüdən aşması nəticəsində 4 nəfər - 1981-ci il təvəllüdlü  Vidadi İbrahimov, 1979-cu il təvəllüdlü  Həsən Abdullayev, 1992-ci il təvəllüdlü Niftalı Cəfərli, eləcə də daha bir nəfər xəsarət alıblar.

 

Onlardan üçü xəstəxanaya yerləşdirilib. Birinin xəsarətləri yüngül olduğundan isə ona hadisə yerində ambulator yardım göstərilib.

 

Faktla bağlı araşdırma aparılır.

 

Fuad Nazimoğlu

APA TV