Astarada xüsusi karantin rejiminin qaydalarını pozaraq gizli şəkildə fəaliyyət göstərən çayxana müəyyən olunub.

APA TV-nin cənub bürosundan verilən məlumata görə, rayonun Qamışovka kəndində yerləşən çayxanaya Polis Şöbəsinin əməkdaşları tərəfindən keçirilən baxış zamanı orada olan obyekt sahibi və 7 nəfər müştərinin karantin qaydalarını pozduqları aşkar edilib.

Həmin şəxslər Astara Rayon Polis Şöbəsinə gətiriliblər və barələrində protokol tərtib edilərək 100 manat məbləğində cərimə olunublar.

Tural Kərimov

Rövşən Əzimov

APA TV