Astarada narkotacir cinayət başında saxlanılıb

APA TV-nin cənub bürosunun verdiyi məlumata görə, Astara Rayon Polis Şöbəsinin əməkdaşlarının daxil olmuş məlumat əsasında keçirdiyi əməliyyat nəticəsində rayonun Ərçivan qəsəbə sakini, əvvəllər məhkum olunmuş Şükür Səmədov 1 bükümdə heroini satarkən cinayət başında saxlanılıb.

“İsti izlər”lə davam etdirilən tədbirlər zamanı saxlanılan şəxsin Ərçivan qəsəbəsindəki yaşadığı evdən ümumi çəkisi 3 kiloqram 697 qram tiryək, 1,546 qram metamfetamin və 1 bükümdə heroin aşkarlanaraq götürülüb.

Şükür Səmədov narkotik vasitəni Behman adlı İran vətəndaşından əldə etdiyini və satışını təşkil etmək üçün evində saxladığını bildirib.

Faktla bağlı araşdırma aparılır.