Qarabağda keçirilən antiterror tədbirləri nəticəsində şəhid olan tabor komandiri Aqil Fayəddin oğlu Əkbərov Lənkəran rayonunun Xolmili kəndində anadan olub. Tabor komandiri olan Aqil Əkbərovun arzusu, atası kimi hərbçi olmaq olub. Buna görə də o, imtahan verib və yüksək bal toplayaraq Ali hərbi məktəbə daxil olub. Xidmət dövründə ən nümunəvi zabitlərdən biri kimi yadda qalıb. Şəhidlik zirvəsinə ucaldığı gündən iki gün əvvəl atası ilə danışan Aqil hər şeyin yaxşı olduğunu bildirib. Atası da ona bir hərbiçi kimi öz məsləhətlərini verib. Qeyd edək ki, şəhid Aqil Əkbərov ailəli idi və bir azyaşlı övladı var idi. İlkin Rzayev Rövşən Almazoğlu APA tv Lənkəran