Azərbaycan Ordusunun şəhid olan əsgəri Novruz Haqverdiyev Gəncədə dəfn edilib.

 

APA TV-nin yerli bürosunun məlumatına görə, Vətən müharibəsində Murovdağ istiqamətində gedən döyüşlərdə şəhid olan Ordumuzun əsgəri, 1996-cı il təvəllüdlü Novruz Haqverdiyevin nəşi öncə Daşkəsən rayonuna gətirilib. Şəhidlə vida mərasimi onun doğulduğu Alunitdağ qəsəbəsində keçirilib. Daha sonra şəhid Gəncəyə Şəhidlər xiyabanında torpağa tapşırılıb.

 

Vida mərasimində  şəhidin ailəsi, Daşkəsən Rayon İcra Hakimiyyətinin rəsmiləri, hüquq-mühafizə orqanlarının əməkdaşları, hərbçilər və rayon ictimaiyyəti iştirak edib.

 

Şəhid dəfin olunandan sona tabutuna bükülmüş bayraq  atasına təqdim edilib.

 

Qeyd edək ki, Novruz Haxverdiyev Vətən müharibəsində cəbhənin Murov istiqamətində gedən döyüşlərdə iştirak edərək şəhid olub. Şəhid itkin düşən 50  hərbçidən biridir.

 

Allah rəhmət eləsin!