Azərbaycanda daha 14 şagirddə koronavirus aşkarlanıb
Təhsil Nazirliyi son sutka ərzində ümumi təhsil müəssisələrində COVID-19 virusuna yoluxmaya dair məlumat yayıb.
Nazirlikdən APA TV-yə verilən məlumata görə, son sutka ərzində bədən hərarəti 37 dərəcədən yuxarı olan şagirdlərin sayı 13, işçi sayı 3 olub.
Koronavirusa yoluxan şagird sayı 14, işçi heyətinin sayı isə 4 nəfər təşkil edib.
Son sutka ərzində Azərbaycanda koronavirus səbəbindən distant təhsilə keçirilmiş siniflərin sayı isə 2, məktəblərin sayı isə 4 olub.
Virus səbəbindən distant təhsildə olan 5 sinif yenidən əyani təhsilə keçirilib.
Ümumilikdə distant təhsilə keçirilən siniflərin sayı 52, məktəb sayı isə 24 olub.
