Rusiya həbsxanasında azərbaycanlı məhkum ölüb.

Lent.az-ın xəbərinə görə, hadisə Tomsk həbsxanasında qeydə alınıb.

Orada saxlanılan 58 yaşlı Çingiz Nurəddin oğlu Əsgərov vəfat edib. Onun xəstəlikdən öldüyü bildirilir. Qeyd edək ki, Çingiz Əsgərov əvvəllər biznes fəaliyyəti ilə məşğul olub. O, Bakıda və Rusiyada restoranlar şəbəkəsi yaradıb. 2008-ci ildə Rusiyada həbs edilən iş adamı 18 il müddətinə azadlıqdan məhrum edilib. Cəzasının 15 ilini geridə qoyan Çingiz Əsgərovun yaxında həbsdən çıxması gözlənilirdi.

Onun nəşi yaxın günlərdə Azərbaycana gətirilərək doğulduğu Salyan rayonunda torpağa tapşırılacaq.