“Azəriqaz” İstehsalat Birliyində növbəti “Açıq qapı” aksiyası keçirilib və ictimaiyyəti maraqlandıran suallara aydınlıq gətirilib. Belə müzakirə mövzularından biri sosial şəbəkələrdə bölüşülənlərdir. İstifadəçilər ötən aylara nisbətən sayğacdakı məbləğin daha artıq olması barədə postlar bölüşüb. Məsələ ilə bağlı “Azəriqaz”ın İstehlakçılara satılan qaza nəzarət şöbəsinin rəisi Elçin Qocayev bildirdi ki, şikayəti, problemi olan vətəndaşlar aidiyyatı üzrə müraciət etməlidirlər. Eldəniz Vəliyevin isə bildirdi ki, bu, fəsil dəyişimi ilə əlaqədar ola bilər. Qeyd edək ki, 2023-cü ilin yanvar-dekabr ayları ərzində 1 milyon 199 min 375 abonent 12 qəpik tariflə, 998 min 946 abonent 20 qəpik və 346 min 557 abonent 25 qəpik tariflə təbii qazdan istifadə edib. Aygün Carçıyeva, Tural Əlizadə, APA TV