2021-ci ildə “Azəriqaz” İstehsalat Birliyinin qaz itkiləri 7,4 % təşkil edib. Bunu “Azəriqaz” İstehsalat Birliyinin baş direktoru Ruslan Əliyev “Açıq qapı” aksiyası zamanı QHT və media nümayəndələrinin suallarını cavablandırarkən bildirib. Qurum rəhbəri deyib ki, ötən ili “Azəriqaz” 44 milyon kubmetr qaz itkisi ilə başa vurub. 2022-ci ildə İstehsalat Birliyinin qaz itkiləri hədəfi 6,5 % təşkil edir: “2022-ci ildə 110 yaşayış massivinin qazlaşdırılması gözlənilir. 68 rayon üzrə 60 məntəqənin bu il, 8 məntəqənin isə 2023-də qazlaşdırılması planlaşdırılır. 47 massivin 46-nın bu il, 1-nin isə 2023-cü ilin əvvəlində qazlaşdırılması planlaşdırılır”.

Baş direktor həmçinin əlavə etdi ki, ötən il “Azəriqaz”a əməkdaşlarla bağlı daxil olan abonent şikayətləri əsasında müəyyən araşdırmalar aparılıb. Məlum olub ki, bəzi işçilər abonentlərə  qarşı qeyri-etik davranış nümayiş etdiriblər: “2021-də 990 nəfərə töhmət verilib.125 nəfərə sonuncu xəbərdarlıqlaq şiddətli töhmət verilib. 220 nəfərin əməkhaqqını 4-1 tutulub. 14 nəfər isə  işdən azad edilib”.

Xatırladaq ki, “Azəriqaz" İstehsalat Birliyinin "Açıq mikrofon" aksiyası hər həftənin cümə günü qurumun inzibati binasında keçirilir.

 

AYTƏN SAKİTQIZI

XƏYAL İSKƏNDƏROV

APA TV