Bakı ilə İrəvan regionda dəmir yolları kommunikasiyalarının açılması barədə razılaşmaya çox yaxındır.

 

APA TV TASS-a istinadən xəbər verir ki, bu barədə Paşinyan hökumətin iclasında deyib.

 

"Azərbaycan və Ermənistan Rusiyanın vasitəçiliyi ilə dəmir yolunun tikintisinə və bərpasına çox yaxındır. Bu isə regionda kommunikasiyaların açılması deməkdir", - deyə Paşinyan bildirib.

 

O, Üçtərəfli İşçi Qrupun rusiyalı üzvü Aleksey Overçukun dünən İrəvana etdiyi səfər zamanı əsas müzakirə mövzusunun Arazəyən-Culfa-Ordubad-Mehri-Horadiz dəmir yolu xəttinin bərpası olduğunu da əlavə edib.