Bakı-Sumqayıt şossesində piyadanı avtomobil vurub
Bakı-Sumqayıt şossesində piyadanın vurulması ilə nəticələnən yol-nəqliyyat hadisəsi baş verib.
APA TV xəbər verir ki, hadisə Xırdalan qəbirstanlığının yaxınlığında qeydə alınıb.
Belə ki, Rüfət Həsənov sərxoş halda Bakı-Sumqayıt şossesinin piyada üçün müəyyən edilməmiş hissəsindən keçib. Bu zaman onu naməlum avtomobil vurub.
Yaralı ağır vəziyyətdə xəstəxanaya çatdırılıb.
Hadisəni törədən sürücünün axtarışları davam etdirilir.
