Bakı şəhərinin Nizami rayonu Heydər Əliyev prospektində yol-nəqliyyat hadisəsi baş verib. Heydər Əliyev prospektində sürücünün əks yola çıxması ağır qəzaya səbəb olub. “Ford” markalı minik avtomobili əvvəlcə “Vaz 2107” markalı maşına, daha sonra beton yol ayrıcını aşaraq “Mitsubishi” markalı nəqliyyat vasitəsinə çırpılıb.

Dərhal əraziyə polis və təcili yardım maşınları cəlb olunub. Hadisə nəticəsində Behbud Hüseynli, Vüsal Abdullazadə, Emil Vəliyev və Fazil Abbasov xəsarət alıblar. Emil Vəliyevin vəziyyəti ağır kimi qiymətləndirilir. Qəza səbəbindən prospektin Yusif Səfərov küçəsi ilə kəsişməsindən metrounun Koroğlu istiqamətinə tıxac yaranıb.