Bakıda ağır yol qəzasında 2 nəfər ölüb, 4 nəfər xəsarət alıb
Bakının Qaradağ rayonunda ağır-yol nəqliyyat hadisəsi baş verib.
APA TV xəbər verir ki, qəza Lökbatan qəsəbəsindən Qobu qəsəbəsini birləşdirən yolda olub.
“VAZ-2107” markalı avtomobillə “VAZ-21099” markalı nəqliyyat vasitəsi toqquşub. Nəticədə “VAZ-2107”-nin sürücüsü və “VAZ 21099”-da olan qadın sərnişin hadisə yerində dünyasını dəyişib.
17 yaşlı Nisə Kazım qızı Sultanova, 32 yaşlı Sevinc Sahil qızı Xəlilova, 49 yaşlı Arzu Xanoğlan qızı Nəsibova, 25 yaşlı Günel Mustafa qızı Məlikova xəsarət alıblar. Onlar 3 saylı şəhər xəstəxanasına yerləşdirilib.
Faktla bağlı araşdırma aparılır.
