Bakıda avtomobil dəmir arakəsmələrə çırpılıb
Xəzər rayonunda yol nəqliyyat hadisəsi baş verib.
APA TV xəbər verir ki, hunday markalı avtomobil Aeroport yolu ilə Mərdəkan istiqamətində hərəkətdə olarkən qəfil qarşısında Nissan markalı avtomobil saxlayıb.
Hundayın sürücüsü nəqliyyat vasitəsini Nissana çırpmamaq üçün sükanı sola doğru manevr edib. Bu zaman avtomobil dəmir arakəsmələrə çırpılıb. Zərbədən avtomobil yararsız hala düşsədə xəsarət alan olmayıb.
Faktla bağlı araşdırma aparılır.
