Bakıda avtomobil səkiyə çırpılıb, xəsarət alan var
Xətai rayonunda yol nəqliyyatı hadisəsi zamanı bir nəfər xəsarət alıb.
APA TV xəbər verir ki, hadisə Heydər Əliyev prospektində baş verib.
Belə ki, BMW markalı nəqliyyat vasitəsi idarəetmədən çıxaraq səkiyə çırpılıb. Daha sonra avtomobil əks yola çıxıb. Nəticədə sürücü yüngül bədən xəsarətləri alıb.
Əraziyə Yol Patrul Xidmətinin əməkdaşları cəlb edilib.
Fakt araşdırılır.
