Gecə saatlarında Bakının Nizami rayonu Qara Qarayev prospektində yerləşən restoranlardan birinin qarşısında insident olub. Cinsi azlıq nümayəndələri (transseksuallar) restorana buraxılmadıqlarına görə orada səs-küy salaraq ictimai asayişi pozublar. Onların ərazidə xidmət aparan polis əməkdaşına da zərbə endirdiyi bildirilir. Məlumata görə, xuliqanlıq əməli törətmiş cinsi azlıq nümayəndələri Nizami Rayon Polis İdarəsinin əməkdaşları tərəfindən saxlanılıb. Daxili İşlər Nazirliyinin mətbuat xidmətindən bildirilib ki, məsələ ilə bağlı araşdırma aparılır, əlavə məlumat veriləcək.