14-cü Bakı Beynəlxalq Qısa Filmlər Festivalının açılış mərasimi keçirilib. Bu il festivala 78 ölkədən 704 film göndərilib. Kino mütəxəssislərindən ibarət Seçim Komissiyası bu filmlər arasından beynəlxalq, “Asiya istedadları” və yerli müsabiqədə yarışan ekran əsərlərini müəyyənləşdiriblər.

Beynəlxalq müsabiqədə 32 ölkəni təmsil edən 42 film, “Asiya istedadları”nda 17 film, yerli müsabiqədə isə 26 film festivalın əsas mükafatı olan “Qızıl Nar” uğrunda mübarizəyə qoşulur. Açılış mərasimində kino ictimaiyyəti, Mədəniyyət Nazirliyinin rəsmiləri, xarici ölkələrin Azərbaycandakı səfirliklərinin nümayəndələri, həmçinin ölkəmizin mədəniyyət və incəsənət xadimləri iştirak edib.

Festival noyabrın 15-dək davam edəcək.

ORXAN ASLAN