Bakıda gəlinini qətlə yetirərək, doğrayıb zibil qutusuna atmaqda təqsirləndirilən İdris Məhərrəmovun barəsində həbs qətimkan tədbiri seçilməsi ilə bağlı istintaq orqanının təqdimatına baxılıb.

 

APA TV-nin xəbərinə görə, keçirilən prosesdə təqdimat təmin edilib.

 

Qərara əsasən, İdris Məhərrəmov barəsində 3 ay müddətinə həbs qətimkan tədbiri seçilib.

 

Qeyd edək ki, yanvarın 27-də saat 1 radələrində Nəsimi rayonunun Əliisgəndər İsgəndərov küçəsində məişət tullantıları qutularında hissələrə ayrılmış 30-35 yaşlı qadın cəsədinin olması barədə Daxili İşlər Nazirliyinin “102 - Zəng Mərkəzi”nə məlumat daxil olub.

 

Dərhal rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib.

 

Faktla bağlı Nəsimi rayon Prokurorluğunda cinayət işi başlanıb, müvafiq ekspertizalar təyin edilib.

 

Təxirəsalınmaz istintaq-əməliyyat tədbirləri ilə cəsədin Babək rayon sakini Banu Məhərrəmova olması müəyyən edilib.

 

Əməliyyat-axtarış tədbirləri nəticəsində hadisəni Binəqədi rayonunun M.Ə.Rəsulzadə qəsəbəsindəki yaşadıqları evdə qısqanclıq zəminində törətməkdə şübhəli bilinən qayınatası, Babək rayon sakini İdris Məhərrəmov saxlanılaraq istintaqa təhvil verilib.