Bakıda narkotik vasitələrin satışı ilə məşğul olan silahlı şəxs saxlanılıb.

 

DİN mətbuat xidmətindən APA TV-yə verilən məlumata görə, Baş Narkotiklərlə Mübarizə İdarəsinin əməkdaşları tərəfindən Yasamalda keçirilən əməliyyat zamanı Cəbrayıl rayon sakini Şahruq Şavruqov tutulub.

 

Onun üzərində şəxsi axtarış aparılan zaman 107 qram heroin, 12 qram psixotrop maddə metamfetamin, 1 ədəd “SUR-2608” markalı tapança və 1 ədəd beşbarmaq aşkar edilərək götürülüb.

 

Saxlanılan şəxs ifadəsində narkotik vasitələri satmaq niyyəti ilə əldə etdiyini bildirib.

 

Faktla bağlı cinayət işi başlanılıb.