Bakıda zibil qutusunun qapaqlarını oğurlayan şəxs saxlanılıb.

 

Daxili İşlər Nazirliyindən verilən məlumata görə, hadisə Xətai rayonunun Y.Səfərov küçəsində baş verib.

 

Burada yerləşən parkda məişət tullantıları üçün nəzərdə tutulan 21 qutunun qapaqlarının oğurlanması barədə polisə məlumat daxil olub. 

 

Xətai rayon 37-ci Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Şamaxı rayon sakini, əvvəllər də eyni əmələ görə məhkum olunmuş Müşfiq İsgəndərov müəyyən olunaraq saxlanılıb.

 

Faktla bağlı araşdırma aparılır.