Bakıda qatar avtomobillə toqquşdu
Bakıda qatar avtomobillə toqquşub.
APA TV Lent.az-a istinadən xəbər verir ki, hadisə Xətai rayonu Kənd Əhmədli ərazisində qeydə alınıb.
Belə ki, "Hyundai Sonata" markalı avtomobilin sürücüsü qatarın gəldiyinə diqqət yetirmədən qəflətən dəmiryol relsinə çıxıb. Nəticədə qatar avtomobilə çırpılıb. Xoşbəxtlikdən hadisə zamanı ölən olmayıb.
Ancaq minik avtomobilinə ziyan dəyib.
