Bakıda ticarət köşkünə quldur basqını olub.

APA TV-nin Daxili İşlər Nazirliyinə (DİN) istinadən məlumatına görə, cinayət Bakıxanov qəsəbəsində törədilib.

Maskalı şəxslər satıcıya bıçaq çəkib, hədə-qorxu ilə 800 manat nağd pul və 1000 manat dəyərində mobil danışıq kartları aparıblar.

Cinayəti törədən şəxslər - Cəlilabad rayon sakini Altan Ağamalıyev və Lerik rayon sakini Firuz Qasımlı saxlanılıb. Polis onların üzərindən köşkdən aparılan danışıq kartlarını, yaşadıqları mənzillərdən isə soyğunda istifadə edilən üz, əl geyimlərini və bıçağı maddi sübut kimi aşkar edib.

Qeyd edək ki, Altan Ağamalıyev həmin köşkdə satıcı işləyib və basqın təklifini də o verib.

Faktla bağlı cinayət işi başlanıb.