Biləcəri qəsəbəsində “Bulaq” restoranının sanitar-karantin qaydalarına zidd olaraq saat 18-dən sonra yerində müştərilər qəbul etdiyi aşkar edilib.

 

DİN mətbuat xidmətindən APA TV-yə verilən xəbərə görə, Binəqədi Rayon Polis Post Patrul Xidməti Bölüyü və 6-cı Polis Bölməsi əməkdaşları tərəfindən paytaxt sakini Akif Seyidəmirovun işlətdiyi restorana baxış zamanı müştərilərin sosial məsafə gözləmədiyi və tibbi maskalardan da istifadə etmədikləri aşkar edilib.

 

Obyektdə olan ümumilikdə 8 nəfər saxlanılaraq Polis Bölməsinə aparılıb. Bölmədə həmin şəxslər polislər tərəfindən tibbi maskalarla təmin ediliblər.

 

Karantin qaydalarını pozan şəxslər barəsində protokol tərtib olunub və onlar müvafiq qaydada cərimə olunublar.