Bakının Binəqədi rayonunda dayanacaqda dayanan avtobusa minik avtomobili çırpılıb. APA xəbər verir ki, hadisə Biləcəri qəsəbəsində qeydə alınıb. Belə ki, Yəhya Hüseynov küçəsində 83 nömrəli marşut xətri üzrə hərəkət edən sərnişin avtobusunun sürücüsü sərnişinlərin enməsi üçün dayanacaqda saxlayıb. Bu zaman “Toyota Prius” markalı minik maşınının sürücüsü yüksək sürərlə nəqliyyat vasitəsini avtobusa çırpıb. Hər iki nəqliyyat vasitəsinə ciddi ziyan dəyib. “Toyota Pius”-un sürücüsü xəsarət alıb. Əraziyə Binəqədi Rayon Polis İdarəsinin əməkdaşları cəlb edilib.