Bakıda sürücü idarəetməni itirərək avtomobili işıq dirəyinə çırpıb
Bakının Yasamal rayonunda yol-nəqliyyat hadisəsi baş verib.
APA Tv xəbər verir ki, qəza Abdulla Şaiq küçəsində qeydə alınıb.
Hadisə şahidlərinin bildirdiyinə görə, “Hyundai” markalı avtomobilin sürücüsünün diqqəti mobil telefonda olduğundan sükana nəzarəti itirib və nəticədə yol kənarındakı işıq dirəyinə çırpılıb.
Hadisə nəticəsində sürücü yüngül bədən xəsarəti alıb.
Baş vermiş qəza ilə bağlı əraziyə Yasamal Rayon Polis İdarəsinin əməkdaşları cəlb edilib.
