Bakıda toqquşan avtomobillərdən biri aşıb – XƏSARƏT ALAN VAR
Bakının Nəsimi rayonunda yol-nəqliyyat hadisəsi baş verib.
APA Tv xəbər verir ki, hadisə 4-cü mikrorayon dairəsində qeydə alınıb.
“Lada Granta” markalı avtomobilin sürücüsü dairədə idarəetməni itirərək “Khazar” markalı nəqliyyat vasitəsinə çırpılıb.
Nəticədə “Lada” aşıb. Qəza zamanı “Lada”-nın sürücüsü xəsarət alaraq xəstəxanaya yerləşdirilib.
Hər iki avtomobilə ciddi ziyan dəyib.
Əraziyə Nəsimi Rayon Polis İdarəsinin əməkdaşları cəlb edilib, avtotexniki ekspertiza təyin edilib.
Faktla bağlı araşdırma aparılır.
