19:10 23 oktyabr 2023 941
Ana səhifə Xəbərlər

Bakıdakı mağazalarda təzə adı altında işlənmiş televizorlar satırlar

Bakıda məişət avadanlıqlarının satışı ilə məşğul olan bəzi mağazalar təzə adı altında köhnə məhsulları satırlar. Təzə kimi qablaşdırılan köhnə məhsulu alıcı ilk baxışdan ayırd edə bilmir. Alıb quraşdırdıqdan sonra isə nasazlıqlar üzə çıxır. Məlum olur ki, alınan məhsul əslində köhnə imiş. Bu hadisə ilə rastlaşanlardan biri də Vahiddir. Onun da təzə adı ilə aldığı televizor, köhnə çıxıb. Hüquqşünas Roman Qaraşov bildirir ki, məişət avadanlıqlarının təkrar satışı zamanı alıcıya bu barədə məlumat verilməlidir. Bu məlumatın verilməməsi istehlakçının aldadılmasıdır. İstehlakçının aldadılması isə həm inzibati, həm də cinayət məsuliyyətinə səbəb ola bilər. Bəli, bu kimi əməllərə əl atanların zərəri xeyirindən qat-qat çox ola bilər. Bir az qabağa düşmək fikri ilə köhnə məhsulu təzə kimi satanlar həbsə düşməmək üçün bu əməllərindən əl çəkməlidirlər. ORXAN ASLAN APA T

Müəllif | Apa.Tv

Apa.tv

Kodu kopyalayın