Bakının Nərimanov rayonunda yol qəzası zamanı sərnişin xəsarət alıb - VİDEO
Bakının Nərimanov rayonunda yol qəzası zamanı sərnişin xəsarət alıb.
APA xəbər verir ki, avtoqəza Ziya Bünyadov prospektində baş verib.
Belə ki, Hyundai markalı avtomobilin sürücüsü yüksək sürətlə idarə etdiyi avtomobildə sükana nəzarəti itirib. Nəticədə “Hyundai” eyni istiqamətdə hərəkətdə olan “Toyota” markalı avtomobilə çırpılıb. Qəza nəticəsində “Hyundai”-ın sərnişini xəsarət alıb.
Faktla bağlı əraziyə Nərimanov Rayon Polis İdarəsinin əməkdaşları cəlb edilib.
