"Azərbaycan Dəmir Yolları" (ADY) Qapalı Səhmdar Cəmiyyəti (QSC) İsveçrənin "Stadler Real Group" şirkətindən daha 2 - ikimərtəbəli elektrik qatarı alıb.

APA TV-nin məlumatına görə, qurumun Mətbuat katibliyi şöbəsinin rəisi Natəvan Bayramova qatarlardan birinin Bakı-Sumqayıt, digərinin Bakı-Pirşağı istiqamətində xəttə buraxılacağını dedi: “Yeni qatarların alınması istiqamətində işlər davam edir. Artıq Bakı-Tbilisi-Qars dəmir yolu istiqamətində də hərəkət edəcək 10 yataq tipli qatar alınıb və yaxın zamanda istismara veriləcək. Bu qatarlardan əlavə qurum yaxın 3 il ərzində bu tipli, birmərtəbəli daha 10 ədəd "FLIRT" tipli qatar alınması haqqında müqavilə bağlayıb. Onlardan 6-sı birmərtəbəli, 4-ü isə dizel ilə hərəkətə gətirilən qatar olacaq”.

 

Bakıya gətirilən yeni qatarlar 371 oturacaqla təmin olunub. Onlardan 9-u birinci sinif, 62-si biznes, 300-ü isə standart tiplidir.