Bakıya yas yerinə gelən ailə Göygöldə qəzaya düşdü – XƏSARƏT ALANLAR VAR
Göygöldə yol nəqliyyat hadisəsi baş verib.
APA TV-nin yerli bürosunun xəbərinə görə, Şəmkir rayon sakini Sabit Həsənov idarə etdiyi "VAZ-210014" markalı minik maşını ilə üzü Bakı istiqamətində hərəkətdə olarkən Elmir Yusibova məxsus "Shacman" markalı yük maşını ilə toqquşub.
Qəza zamanı minik maşının sərnişinləri - 1964-cü il təvəllüdlü Adil Xəlilov və onun bacısı, 1970-ci il təvəllüdlü Durdanə Xəlilova xəsarət alaraq xəstəxanaya yerləşdiriliblər. Yaralıların vəziyyətinin orta-ağır olduğu bildirilir.
Qeyd edək ki, "VAZ-210014"də olan ailənin üzvləri Bakı şəhərinə yas yerinə gedirlərmiş.
Faktla bağlı araşdırma aparılır.
Fuad Nazimoğlu,
Mehdi Məmmədov,
APA TV
