Balakəndə ata və azyaşlı qızını maşın vurub.

APA TV-nin yerli bürosunun məlumatına görə, hadisə Balakən-Qabaqçöl avtomobil yolunun rayonun Talalar kəndi ərazisindən keçən hissəsində baş verib.

Kənd sakinləri - 1984-cü il təvəllüdlü Əsəbəli Əhmədov azyaşlı övladı 2011-ci il təvəllüdlü Nurayla birlikdə yolu keçmək istəyən zaman, qadın sürücünün idarə etdiyi “Prado” markalı avtomobil onları vurub.

Müxtəlif dərəcəli bədən xəsarətləri alan ata və azyaşlı qızı Rayon Mərkəzi Xəstəxanasına yerləşdirilib, onlara lazımi tibbi yardım göstərilib.

Əsəbəli Əhmədov və qızının vəziyyəti nəzərə alınaraq müayinə və müalicələrini davam etdirmək üçün Bakı şəhərindəki xəstəxanalardan birinə göndərilməsi nəzərdə tutulub.
 

Faktla bağlı araşdırma aparılır.