Quba sakinindən sənədləri olmayan ov tüfəngi götürülüb.

DİN Mətbuat Xidmətinin Quba regional qrupundan APA TV-nin şimal bürosuna verilən məlumata görə,  polis əməkdaşlarının keçirdiyi əməliyyat-axtarış tədbirləri nəticəsində rayonun Təngəaltı kənd sakini, 39 yaşlı Rahib Fətullayevə məxsus evdən bir ədəd müvafiq sənədləri olmayan ov tüfəngi aşkar edilərək götürülüb:

“2015-ci ildən evimdə gizli saxlayırdım. Ov silahından arada bayramda bir-iki patron atmaq üçün istifadə edərdim. Polis əməkdaşları məni kənddə silaha görə saxladılar. Evimə baxış keçirildi, silah aşkarlanıb götürüldü”.

Faktla bağlı araşdırma aparılır. Tapılan silahın hər hansı bir cinayət hadisəsində istifadə edilib-edilməməsi araşdırılır.