İstər market, istərsə də bazarlarda ərzaq bol olsa da qiymət artımı ilə bağlı çoxlu iddialar var. Məhsul qıtlığı müşahidə edilməsə də, vətəndaşlar ərzaq qiymətlərinin artımından gileylənirlər. Xüsusən içki,yağ və şirniyyat məhsullarının qiymətlərində artım olduğunu deyir alıcılar. Bahalaşma həm də kənd təsərrüfatı məhsullarında da özünü göstərir. Meyvə satıcısı isə bu il əksinə ucuzluq olduğunu deyir. Onun sözlərinə görə, bəzi məhsullar xaricdən idxal olunur deyə bahadır. Ümumiyyətlə isə bahalaşma son iki ildir ki, sürətlə davam edir. Ekpert Xalid Kərimli deyir ki, ötən il hətta qiymət artımı 21-22% təşkil edirdi. Ekspert bildirir ki, bahalaşmaya digər bir səbəb isə Rusiya-Ukrayna müharibəsindən sonra baş verən proseslərdir. Son 12 ayda dünya ərzaq bazarında qiymət düşməkdədir. Ekspert deyir ki, bu müddətdə dünya bazarında ərzaq qiymətləri 30%-ə qədər ucuzlaşıb. Onun sözlərinə görə, dünya bazarındakı ərzaq qiymətlərinin ucuzlaşması inhisarçılar səbəbindən ölkəmizdə o qədər də hiss olunmur. Qeyd edək ki, Azərbaycanda inflyasiya və qiymətlər üzrə monitorinqin gücləndirilməsi üçün İşçi qrup fəaliyyət göstərir. AYNUR QARA KAMRAN NAMAZOV APA TV