Britaniya Parlamentində Azərbaycanın Qarabağ bölgəsində lokal xarakterli antiterror tədbirlərinə toxunulub və Leo Dokertiyə Qarabağda 50-1000 nəfər aralığında insanın qaldığına dair sual ünvanlanıb.

Böyük Britaniyanın Avropa regionu üzrə dövlət naziri Leo Dokerti bildirib ki, Qarabağda baş verənlər etnik təmizləmə kimi xarakterizə oluna bilməz. Nazir Şotlandiyadan olan ermənipərəst deputatın Qarabağın erməni əhalisinin Ermənistana qayıtmasının guya “etnik təmizləmə” olması ilə bağlı ittihamları ilə razılaşmayıb.

“Xeyr, mən razı deyiləm. Amma deməliyəm ki, Xarici İşlər Nazirliyi hər iki tərəfi dialoqu bərpa etməyə çağırıb. Danışıqlar davamlı sülh üçün əsas olacaq” deyə Leo Dokerti əlavə edib.