Cəlilabadda su bəndində iki nəfər boğulub. Hadisə bu gün günorta saatlarında Cəlilabad rayonunun Hamarqışlaq kəndi ərazisində qeydə alınıb. Kənddə yerləşən su bəndində iki nəfərin çimərkən boğulduğu bildirilir. FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar. Su bəndində boğulan iki nəfərin meyiti tapılıb. Ölən şəxslər Hamarqışlaq kənd sakinləri 2008-ci il təvəllüdlü Nihat Aşurov və 2004-cü il təvəllüdlü İbrahim Həsənovdur. Onların meyitləri Fövqəladə Hallar Nazirliyinin xilasediciləri tərəfindən sudan çıxarılaraq aidiyyəti üzrə təhvil verilib. İlkin Rzayev, Rövşən Almazoğlu, APA TV