Firəngül Kərimova bir insanın görə biləcəyi ən dəhşətli günü cəmi 6 yaşında görüb. 26 fevral günü Xocalıda yaşanan soyqırımında yaxınlarını, doğmalarını itirib. Körpə yaşında erməni silahlıları tərəfindən Xocalıda törədilən dəhşətli qətliamın şahidi olub.

Firəngül Kərimova bir gün girovluqda qaldıqdan sonra erməni meytləri müqabilində dəyişdirilib. Özü sağ-salamat qayıtsa da, o dəhşətli gecədə ailəsinin 4 üzvünü itirib. Atası Kərimov Firuz Samran oğlu, babası​ Kərimov Samran Soltan oğlu, əmisi Kərimov Soltan Samran oğlu və adını daşıdığı nənəsi Kərimova Firəngül Məhəmməd qızı.

Firəngül Kərimova deyir ki, bu gün yeganə təsəllisi torpaqların işğaldan azad olunmasıdır. Azərbyacan ordusunun qisası qiyamətə qoymamağıdır.