Noyabrın 26-da talassemiyadan əziyyət çəkən uşaqlara qayğı məqsədi ilə Daxili İşlər Nazirliyinin (DİN) Əlahiddə Çevik Polis Alayında təşkil edilən qanvermə aksiyası keçirilib.

APA TV-nin DİN-ə istinadən məlumatına görə, aksiyada alayın şəxsi heyəti yüksək həvəs və könüllü olaraq iştirak edib.

Həkim-hemotoloqları tərəfindən hər bir donor polis əməkdaşının sağlamlığı öncədən müəyyən olunub, onlardan qan analizi götürülüb.

Polislər qan xəstəliklərindən əziyyət çəkən uşaqlar üçün könüllü qan verib.

Qeyd edək ki, yığılan qan ehtiyatı yoxlanılaraq talassemiya, hemofiliya və digər qan xəstəliklərindən əziyyət çəkənlərin müalicəsində istifadə olunacaq.