Abşeronda yanğın baş verib.

Fövqəladə Hallar Nazirliyindən APA TV-yə verilən xəbərə görə, hadisə rayonunun Ceyranbatan qəsəbəsində, Ceyranbatan su anbarının yaxınlığında qeydə alınıb.

Su anbarının ətrafında olan quru ot və kol-kos naməlum səbəbdən yanmağa başlayıb.

Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq qüvvə və texnikası, eləcə də Aviasiya dəstəsinin 2 ədəd helikopteri alovun söndürülməsi üçün hadisə yerinə cəlb olunub.

Hazırda nazir müavinləri general-leytenant Etibar Mirzəyev və Tapdıq Əmiraslanov, habelə nazirliyin digər aidiyyəti vəzifəli şəxsləri ərazidədirlər.

Yanğının hansı səbəblərdən baş verməsi hələ ki, məlum deyil.

Hazırda yanğının söndürülməsi üçün işlər aparılır.