Həkim-dermatoloq Sevinc Qəhrəmanova bildirib ki, infeksion xəstəliklər həm fiziki, həm şəxsi, həm məişət əşyalarına təmas, həm də mövsümə uyğun olaraq, dəniz və ya hovuz vasitəsilə yayılır. Pediatr Xəyalə Quliyeva qeyd edib ki, mövsümlə əlaqədar, uşaqların infeksion xəstəliklərə yoluxması ilə bağlı çoxsaylı şikayət daxil olub. Həkim valideynlərə uşaqlarını səhər 10-a qədər və ya günün ikinci yarısında çölə çıxarmağı tövsiyə edib. O qeyd edib ki, günəşin zərərli şüalarından müdafiə üçün qoruyucu krem və eynəklərdən mütləq şəkildə istifadə edilməlidir.